جونیئر کھلاڑیوںکے جھگڑنے پر کپل دیو کا اظہار ِبرہمی
نئی دہلی ۔ 16 فروری ( سیاست ڈاٹ کام ) انڈین کرکٹ ٹیم کے سابق کپتان کپل دیو نے انڈر19 ورلڈ کپ کے دوران ہندوستان اور بنگلادیشی کھلاڑیوں کے درمیان جھگڑے کو مایوس کن قرار دیا۔کپیل دیو کا کہنا ہے کہ کرکٹ اب جنٹلمین گیم نہیں رہا، اس معاملے میں دو ہندوستانی اور 3 بنگلادیشی کھلاڑیوں کو پہلے ہی مختلف نوعیت کی سزائیں دی جاچکی ہیں۔انہوں نے کہاکہ جو کچھ اس میچ کے بعد ہوا وہ تباہ کن تھا، کرکٹ بورڈز کو سخت اقدامات کرنے چاہئیں تاکہ دوبارہ ایسے واقعات رونما نہ ہوں۔
