لندن۔17؍نومبر ( ایجنسیز )کلکتہ ٹسٹ میں ہندوستان کی شکست اور پیسے کی ریل پیل پر سابق کرکٹر کیون پیٹرسن نے کہا کہ کلکتہ ٹسٹ کا رزلٹ ماڈرن ڈے کرکٹ کا ہی نتیجہ ہے۔ بیٹرز اب چھکے مارتے اور سوئچ ہٹ کھیل کر ہی بڑے ہورہے ہیں۔ بیٹرز کو اننگز لمبی کرنا اور مشکل حالات میں میچ بچانا نہیں سکھایا جا رہا ہے۔اس میں کھلاڑیوں کا قصور نہیں کیونکہ ماڈرن کرکٹ ایسی ہی ہے، آج کل کھلاڑیوں کی ترجیح کریز پر کھڑے رہنا یا اسپن کو کھیلنے کی آرٹ سیکھنا نہیں ہوتا۔ کرکٹ اب اونچا میوزک،لائٹس،کرکٹ بورڈز اور نجی مالکان کے مالی فائدوں کا کھیل ہے۔ان کا کہنا تھا کہ اس چیز پر کوئی بات نہیں کرتا کیونکہ ایسا کرنا ممنوع ہے۔کھلاڑی جتنا زیادہ پیسہ کما سکتے ہیں کمائیں، وہ وہی کررہے ہیں جوفیصلہ سازکررہے ہیں۔
