ٹوکیو : کرکٹ کو آئندہ برس جاپان میں ہونے والے ایشین گیمز میں بھی شامل کرنے کا امکان ہے۔ میڈیا کے مطابق ایشین گیمز 2026ء میں کرکٹ کی شمولیت سے متعلق باقاعدہ طور پر تصدیق رواں ہفتے ہوگی۔ اس حوالے سے اولمپک کونسل آف ایشیا اور آرگنائزنگ کمیٹی کے اجلاس میں فیصلہ ہوگا۔ ایشین گیمز کے انعقاد کا جہاں تک تعلق ہے یہ علاقائی مقابلے آئندہ سال 19 ستمبر سے 4 اکتوبر تک ہوں گے۔ کرکٹ مداحوں کیلئے یہ خوش خبری ہوگی کیونکہ انہیں پھر ایک مرتبہ کرکٹ کے میدانوں میں ایشیائی ٹیمیں نظر آئیں گی۔
