نئی دہلی ۔بی سی سی آئی نے کرکٹ کو دنیا کی سب سے بڑی کھیلوں کی تقریب اولمپک گیمز کا حصہ بنانے کی حمایت کر دی ہے۔خبر رساں ادارے روئٹرزکے مطابق بین الاقوامی کرکٹ کونسل نے ٹی20 فارمیٹ کو 2028 کے اولمپک گیمز میں شامل کرنے پر زور دیا ہے۔اس سے قبل 1900 میں کرکٹ کو پیرس میں منعقدہ اولمپک گیمز میں شامل گیا تھا۔دنیا کے امیر ترین کرکٹ بورڈز میں شمار ہونے والے بی سی سی آئی نے اس سے پہلے کرکٹ کو اولمپکس میں شامل کرنے کی مخالفت کی تھی۔بی سی سی آئی کے خیال میں کرکٹ کی اولمپکس میں شمولیت سے انڈین بورڈ کی خودمختاری ختم ہونے کے علاوہ اولمپک کمیٹی کے سامنے جوابدہ ہونا پڑے گا۔تاہم بی سی سی آئی نے اپنا مؤقف تبدیل کرلیا ہے۔بی سی سی آئی کے عہدیدار ارن سنگھ کے بموجب کرکٹ کے اولمپکس میں شمولیت پر دلچسپی رکھتے ہیں تاہم اس حوالے سے تمام پہلوؤں پر غور کیا جا رہا ہے۔بی سی سی آئی نے خواتین کی کرکٹ ٹیم کو بھی آئندہ سال برمنگھم میں ہونے والی کامن ویلتھ گیمز میں بھیجنے پر آمدگی کا اظہار کیا ہے۔ 1998 میں پہلی مرتبہ کرکٹ کو کامن ویلتھ گیمز کا حصہ بنایا گیا تھا جب جنوبی افریقی ٹیم نے کوالا لمپور میں گولڈ میڈل بھی جیتا تھا۔
