کریم نگر /8 جنوری ( سیاست ڈسٹرکٹ نیوز ) ریاست تلنگانہ کے کریم نگر ضلع میں ایک خوفناک سڑک حادثہ پیش آیا ۔ حضورآباد منڈل کے مانداڑی پلی میں ورنگل کریم نگر قومی شاہراہ پر ایک لاری بے قابو ہوکر درخت سے ٹکرا گئی ۔ اس حادثہ میں لاری کے کیبن میں پھنس کر کلینیر موقع پر ہی ہلاک ہوگیا ۔ مقامی افراد نے پولیس کو اطلاع دی اور ڈرائیور کو جو زخزی حالت میں کیبن میں پھنس گیا تھا اور تڑپ رہا تھا اسے باہر نکالا گیا ۔ شدید زخمی ڈرائیور کو علاج کیلئے ہاسپٹل منتقل کیا گیا جبکہ کلینیر کی نعش کو پوسٹ مارٹم کیلئے سرکاری ہاسپٹل منتقل کیا ۔ پولیس نے مقدمہ درج کرکے تحقیقات شروع کردی ہے۔ مزید تفصیلات کا انتظار ہے ۔
