کریم نگر : کریم نگر پولیس پریڈ گراؤنڈ میں منگل کو میڈیا لائنز اور پولیس کمشنر کی ٹیموں کے درمیان ایک دوستانہ کرکٹ میچ میں کمشنر الیون ٹیم نے دس وکٹوں سے کامیابی حاصل کی۔ میڈیا لائنز جس نے پہلے بیٹنگ شروع کی، مقررہ 15 اوورز میں سے 14 اوورز میں 83 رنز بنا کر آل آؤٹ ہوگئی۔ کمشنر الیون نے پھر بیٹنگ شروع کی اور صرف 6.2 اوورز میں 84 رنز بنائے۔ فنگر پرنٹ انسپکٹر سریدھر نے ابتدائی اوور میں بیٹنگ کرتے ہوئے 23 گیندوں پر ایک چھکے اور آٹھ چوکوں کی مدد سے 43 رنز بنائے، ایک اوور میں دو رنز دے کر دو وکٹیں لیں۔ ایک اور اوپنر ساگر نے 15 گیندوں پر 4 چوکوں کی مدد سے 23 رنز بنائے۔ ایڈمن ریزرو انسپکٹر کرن کمار نے 4 وکٹیں حاصل کیں۔ مین آف دی میچ فنگر پرنٹس انسپکٹر سریدھر کو دیا گیا۔ پولس کمشنر وی ستیہ نارائنا نے میچ میں حصہ لینے والے کھلاڑیوں کو انعامات سے نوازا۔ اس موقع پر انسپکٹر جانی میا، کرن کمار اور مرلی موجود تھے۔ کمشنر آف پولیس کریم نگر کے ساتھ کئی پولیس افسران اور میڈیا کے نمائندے موجود تھے۔
