کریم نگر۔ 17 فروری (سیاست ڈسٹرکٹ نیوز) کریم نگر کے پولس کمشنر ایل سبارائیڈو نے ایک بیان میں کہا کہ عام شہریوں خصوصاً خواتین کو درپیش مشکلات کے پیش نظر کریم نگر کمشنریٹ میں عوامی مقامات پر شراب نوشی پر موجودہ پابندی کو اس ماہ کی 28 تاریخ تک بڑھا دیا گیا ہے۔ بتایا گیا ہے کہ یہ اقدامات عوامی مقامات پر شراب پینے والوں کے خلاف آنے والی کئی شکایات کے پس منظر میں اٹھائے گئے ہیں۔ گلیوں اور سڑکوں پر شراب نوشی کرنے والے اور فحش باتیں کرنے والوں سے ہر طبقہ فکر کے لوگ پریشانی کا شکار ہو گئے ہیں۔ یہ فیصلہ لوگوں کی حفاظت اور شراب کے شوقینوں کی حرکتوں پر نظر رکھنے کے لیے لیا گیا ہے۔ امتناعی احکامات کی خلاف ورزی کرنے والوں کے خلاف قانونی کارروائی اقدامات کئے جائیں گے۔
ll پولس کمشنر ایل سباراوڈو نے کہا کہ اس مہینہ کی 28 تاریخ تک ڈی جے ساؤنڈ پر پابندی میں توسیع کی گئی ہے۔ اس سلسلے میں احکامات جاری کر دیے گئے ہیں۔ بتایا گیا ہے کہ بچوں، بوڑھوں، مریضوں اور طلباء کو صوتی آلودگی سے بچانے کے لیے بھاری آواز کے ساتھ ڈی جے ساؤنڈ کے استعمال پر پابندی عائد کی گئی ہے۔ یہ ایک عام بات ہے کہ ڈی جے کی آوازیں عوامی اجتماعات اور مختلف تقریبات کے دوران استعمال کی جاتی ہیں۔ اگر مختلف پروگراموں کے انعقاد کے لیے مائیک سیٹ کا استعمال ضروری سمجھا جائے تو متعلقہ ڈیویژن کے اے سی پی سے اجازت حاصل کرنے کی تاکید کی گئی ہے ۔ امتناعی احکامات کی خلاف ورزی کرنے والوں کے خلاف آئی پی سی 188، حیدرآباد سٹی پولیس ایکٹ اور فصلی قوانین کے تحت کارروائی کی جائے گی۔
