جھوٹے پروپگنڈہ سے حالات بگاڑنے اور بائیک پر گذرنے والے نوجوانوں پر حملہ کی کوشش
حیدرآباد29 ستمبر ( سیاست نیوز ) کریم نگر میں بی جے پی کارکنوں کی شر انگیزی کے نتیجہ میں حالات کچھ دیر کیلئے کشیدہ ہوگئے ۔ بی جے پی کارکنوں نے میلاد جلوس کے موقع پر شر انگیزی کی اور ہنگامہ آرائی کرتے ہوئے غنڈہ گری کرنے لگے ۔ تفصیلات کے بموجب بی جے پی کارکنوں نے پولیس کی موجودگی میں میلادالنبی ﷺ کا جشن مناتے بائیک پر جارہے نوجوانوں پر لاٹھیوں سے حملہ کی کوشش کی ۔ میلادالنبی ﷺ کے موقع پر کچھ نوجوان بایئک پر مذہبی پرچم لہراتے ہوئے بنڈی سنجے کے گھر کے سامنے سے گذرے ۔ بی جے پی کارکنوں نے اسے بنڈی سنجے کے گھر پر حملہ کا جھوٹا پروپگنڈہ شروع کردیا ۔ بی جے پی کارکنوں کو لاٹھیوں کے ساتھ کچھ لوگوں کا پیچھا کرتے دیکھا گیا جبکہ پولیس انہیں روکنے کی کوشش کر رہی تھی ۔ تاہم بی جے پی کارکن پولیس نے الجھ پڑے ۔ اطلاع ملتے ہی کریم نگر پولیس کمشنر پہونچ گئے اور حالات کا جائزہ لیا ۔ شہر میں بھاری پولیس جمعیت تعینات کیا گیا ۔ پولیس سی سی ٹی وی فوٹیج کی مدد سے واقعہ کی تحقیقات کر رہی ہے ۔ پولیس نے عوام سے پرامن رہنے کی اپیل کی ہے ۔ تلنگانہ میں مسلمانوں نے 12 ربیع ا لاول 28 ستمبر کو میلاد النبی ﷺ جشن منانے سے پرہیز کیا کیونکہ اسی روز ہندوؤں کا تہوار بھی تھا ۔ حالات کو پرامن رکھنے مسلم تنظیموں نے اس بات کا فیصلہ کیا تھا ۔
