ممبئی: معروف اداکارہ کرینہ کپور خان سے متعلق ایک واقعہ مشہور ہے کہ تانیا دیول اور ان کے درمیان جھگڑا ہوا تھا اور یہ جھگڑا اتنا بڑھ گیا تھا کہ انہیں بابی دیول کی اہلیہ نے تھپڑ مارا تھا۔ یہ واقعہ اس وقت کا ہے جب کرینہ اور بابی اپنی فلم ’اجنبی‘ کی شوٹنگ میں مصروف تھے۔ اس فلم کی شوٹنگ کے دوران کرینہ کپور اور بپاشا باسو کے درمیان جھگڑا چل رہا تھا۔ تاہم اس تنازع میں تانیا دیول بھی شامل ہو گئی اور معاملہ مزید بگڑ گیا۔ یہ معاملہ اس وقت شروع ہوا جب کرینہ نے اپنے ڈیزائنر وکرم کو بپاشا کیلئے ملبوسات تیار کرنے سے روک دیا جو تانیا کو ناگوار ہوا تو انہوں نے بپاشا کی حمایت کا فیصلہ کیا۔ تانیا کا بپاشا کی حمایت کرنا کرینہ کی والدہ ببیتا کو بالکل پسند نہ آیا اور وہ بابی کی بیوی پر بھڑک اُٹھیں جس پر ان کی تانیا سے درمیان تلخ کلامی ہوئی ،یہ دیکھ کر کرینہ بھی غصے میں آ گئی۔ بات اتنی بڑھ گئی کہ تانیا نے کرینہ کو تھپڑ مار دیا۔ اس واقعے سے کرینہ اور بابی دیول کے تعلقات بھی متاثر ہوئے جبکہ کرینہ اور بپاشا کے کشیدہ تعلقات اب تک برقرار ہیں ۔ ماضی کا یہ واقعہ آج بھی فلمی ستاروں کے مداحوں کو حیران کردیتا ہے۔
