مہاتما گاندھی کے قول کے ساتھ مودی کو مخلص رہنے کانگریس لیڈرکا مشورہ
نئی دہلی : دارالحکومت دہلی میں کسانوں کی ٹریکٹر ریالی کے دوران پیش آئے تشدد کے ایک دن بعد کانگریس لیڈر نے نریندر حکومت پر زور دیا کہ وہ فوری کسان دشمن قوانین کو واپس لے لیں ۔ انہوں نے کہا کہ یہ قوانین زراعت کے دشمن ہے ۔ اس سے زرعی اشیاء مہنگی ہوجائیں گی ۔ ٹوئٹر پر اپنا بیان اپ لوڈ کرتے ہوئے انہوں نے مہاتما گاندھی کے قول کو دہرایا اور مودی حکومت سے اپیل کی کہ وہ کسانوں کی بھلائی پر توجہ دیں ۔ کل دارالحکومت دہلی میں جو کچھ ہوا وہ افسوسناک واقعہ ہے ۔ اگر نریندر مودی حکومت پہلے ہی یہ قوانین واپس لے لیتی تو تشدد کی نوبت نہیں آتی ۔ دہلی میں غیرمعمولی طور پر انارکی کے مناظر دیکھے گئے ۔ سابق کانگریسی صدر راہل گاندھی نے وزیر اعظم نریندر مودی کا نام لئے بغیر ، انہیں بابائے قوم مہاتما گاندھی کے ایک مثال کے ساتھ منکسر رہنے کا مشورہ دیتے ہوئے کہا ہے کہ وہ کسانوں کے مطالبے پر توجہ دیں اور کسان مخالف زراعت کے تینوں قوانین واپس لیں۔انہوں نے عاجزی کے بارے میں باپو کے ایک اقتباس بھی پوسٹ کیا ہے کہ عاجز رہ کر سب کچھ جیتا جاسکتا ہے ۔مسٹر گاندھی نے کہا “ایک بار پھر مودی حکومت سے اپیل ہے کہ وہ زرعی مخالف قانون کو فوری طور پر واپس لیں۔”