پریمل فارما کمپنی کا 93 سی سی کیمروں کا پولیس کو عطیہ، ایس پی سنگاریڈی کا بیان
کوہیر۔ 6 جون (سیاست ڈسٹرکٹ نیوز) ضلع سنگاریڈی سپرنٹنڈنٹ پولیس پنکج نے ظہیرآباد پولیس اسٹیشن میں کوہیر منڈل کے موضع دگوال میں واقع پریمل فارما کمپنی کی جانب سے مکمل پولیس کو 93 سی سی کیمروں پر مشتملسنٹر کا افتتاح کیا۔ اس موقع پر ایس پی میڈیا نمائندوں کو مخاطب کرتے ہوئے کہا کہ ہر عہد و تہوار ایک طرح خوشیوں کی سوغات لے کر آتی ہے جس کی وجہ سے سارا ماحول خوش مزاج ہو جاتا ہے۔ حقیقت میں ظہیرآباد امن و سلامتی کا گہوارہ ہے یہاں کی قومی یکجہتی اور بھائی چارہ ایک مثال ہے۔ انہوںنے بتایا کہ جس وقت میں بحیثیت ایس پی ضلع سنگاریڈی اپنے عہدہ کا جائزہ لینے کے بعد ظہیر آباد کے بارے میں بہت زیادہ فکرمند تھا لیکن یہاں کے بھائی چارے میل ملاپ کو دیکھنے کے بعد ظہیرآباد سے بہت زیادہ متاثر ہوئے اس طرح کے ماحول کو دیکھ کر بہت خوشی ہوئی ہے۔ ایس پی نے مزید بتایا کہ ایک سی سی ٹی وی کیمرہ 10 کانسٹبل کا کام کرتا ہے جس کی وجہ سے چوری، ڈکیتی، قتل، لوٹ مار جیسی واردات میں کیمرے بہت معاون ثابت ہوتے ہیں اور پولیس کو اہم سراغ دستیاب ہوتے ہیں۔ انہوں نے کہا کہ شہر ظہیرآباد سی سی کیمروں کو چھاؤنی میں تبدیل کردیا جائے گا کیونکہ ظہیرآباد ریاست کرناٹک اور مہاراشٹرا کی سرحد پر واقع ہے۔ یہاں پر ریلوے اسٹیشن، بس ڈپو اور قومی شاہراہ نمبر 65 اور مذہبی مقامات اسکولس، کالجس اور اہم چوراستوں شاہ پنگ مالس وغیرہ میں سی سی کیمروں کی تنصیب عمل میں لائی گئی اور اس کے علاوہ نیاکل، کوہیر، جھرہ سنگم، مگڑم پلی کے اہم چوراستوں پر کیمروں کی تنصیب عمل میں لائی گئی۔ انہوں نے بتایا کہ ظہیرآباد کے لئے ایک ٹریفک پولیس اسٹیشن کا بہت جلد قیام عمل میں لایا جائے گا اور زائد پولیس فورس کو الاٹ کرنے منصوبہ ہے۔ اعلیٰ عہدیداروں سے مشاورت الاٹ کردیا جائے گا۔ ایس پی پولیس عہدیداروں کو ہدایت دی ہیکہ رات اور دن کے اوقات میں پٹرولنگ میں اضافہ کریں اور ظہیر آباد ٹاؤن میں ٹریفک کے مسائل کو بحال کریں اس موقع پر پرنیاکل منڈل کے موضع رکماپور میں چند روز قبل ایک قتل کی واردات پیش آئی تھی پولیس کا عملہ بڑی مستعدی سے کام کرتے ہوئے اصل قاتل کو بہت جلد گرفتار کرنے پر 4 کانسٹبل کو انعامات سے نوازا۔ اس موقع پر ظہیرآباد ڈی ایس پی سعیدہ نائک شیوالنگم سرکل انسپکٹر کے علاوہ دیگر پولیس عہدیدار موجود تھے۔
