نئی دہلی: دنیا بھر میں آج 8 مارچ کو خواتین کا عالمی دن منایا جارہا ہے۔ اس موقع پر بھارت کی سابق اسٹار پہلوان اور اولمپک برونز میڈلسٹ ساکشی ملک نے خواتین کو اپنی زندگی میں روزمرہ کی جدوجہد کا سامنا کرنے پر روشنی ڈالی اور خواتین کی طاقت اور لچک کو ہر ایک دن تسلیم کرنے کی وکالت کرتے ہوئے خواتین کی روزمرہ کی جدوجہد کو تسلیم کرنے پر زور دیا۔2016 میں ساکشی ریو (برازیل) اولمپکس میں تمغہ جیتنے والی پہلی ہندوستانی پہلوان بنی تھی جب ساکشی نے 58 کلوگرام زمرے میں کانسہ کا تمغہ جیتا تھا۔ ساکشی کی کامیابی نے لوگوں کے تاثرات بدلے اور ساکشی آنے والی نسلوں کیلئے رول ماڈل بن گئی۔ ساکشی نے عالمی یوم خواتین کے موقع پر اپنے خیالات کا اظہار کیا اور زور دیا کہ خواتین کی کامیابیوں کا جشن صرف ایک دن تک محدود نہیں ہونا چاہئے، اسے ہر دن تسلیم کیا جانا چاہئے اور اس کا احترام کیا جانا چاہئے۔ خواتین کیلئے صرف ایک خاص دن نہیں ہونا چاہیے۔ ہر دن خواتین کا دن ہونا چاہیے کیونکہ عورت کو زندگی بھر جدوجہد کا سامنا کرنا پڑتا ہے۔ میں نے بہت کم سہولیات کے ساتھ ریسلنگ شروع کی، بہت جدوجہد سے گزرا، اور پھر کچھ حاصل کیا۔ اب، میں ایک ماں ہوں، ریلوے ڈیوٹی کرتے ہوئے اپنی تین ماہ کی بیٹی کو سنبھال بھی رہی ہوں۔
