سرینگر۔ جموں وکشمیر میں تقریبا 400 دہشت گرد اس وقت لائن آف کنٹرول کے پار لانچ پیڈس سے سردیوں میں دراندازی کی کوشش میں لگے ہوئے ہیں۔ یہ کوشش پاکستان کی طرف سے ہندستانی خطے میں دراندازی کرانے کی ناکام کوشش کے بعد کی جا رہی ہے۔ پولیس کے ایک اعلیٰ آفیسر نے کہا کہ پاکستان جموں وکشمیر میں کنٹرول لائن کے ساتھ ساتھ جموں اور کشمیر میں بھی ایسے وقت دراندازی کی سازش رچ رہا ہے جب سردی ہو رہی ہے اور سرحد سے متصل پہاڑی علاقوں میں بھاری برفباری ہو رہی ہے۔ انہوں نے کہا کہ 2019 میں 141 کے مقابلے میں 2020 میں 44 دہشت گردوں کے ذریعہ دراندازی کی خبریں آئی ہیں۔ 2018 میں 143 دہشت گردوں نے جموں وکشمیر میں دراندازی کی تھی۔کئی اہم راستوں کو بند کئے جانے کے ساتھ پاکستان نے 2020 میں 5100 جنگ بندی کی خلاف ورزی کی۔
