سرینگر: اسٹیٹ انوسٹی گیشن ایجنسی نے منگل کی صبح ایک ملی ٹنسی فنڈنگ کیس کے سلسلے میں وادی کشمیر میں کئی مقامات پر چھاپے مارے ۔سرکاری ذرائع نے بتایا کہ تحقیقاتی ایجنسی نے مقامی پولیس اور سی آر پی ایف کی ٹیموں کی مدد سے وادی میں چھ مقامات پر چھاپے مارے۔ انہوں نے کہا کہ یہ چھاپے سری نگر، کپوارہ اور بارہمولہ اضلاع میں مارے گئے ۔ان کا کہنا تھا کہ سری نگر میں دو حریت لیڈروں بلال احمد صدیقی کی رہائش گاہ واقع راج باغ اور بشیر مولوی کی رہائش گاہ واقع آلوچی باغ میں چھاپے مارے گئے۔
