نئی دہلی؍ واشنگٹن : کانگریس قائد راہول گاندھی کا کہنا ہے کہ کشمیر کے معاملہ پر وسیع پیمانے پر مذاکرات ہونے کی ضرورت ہے۔ راہول گاندھی نے واشنگٹن کے نیشنل پریس کلب میں صحافیوں سے گفتگو کرتے ہوئے کہا کہ کشمیر میں جمہوری عمل کو بہتر کرنے کی ضرورت ہے۔ انہوں نے وزیراعظم نریندر مودی اور بی جے پی کی سیاست پر کڑی تنقید کرتے ہوئے کہا کہ مودی کی حکومت ہندوستان میں نفرت کو فروغ دے رہی ہے۔ راہول گاندھی کا مزید کہنا تھا کہ مودی کے طرز حکومت نے لوگوں کو تقسیم کر دیا ہے۔
