نئی دہلی : /22 مئی (ایجنسیز) وزیر خارجہ جئے شنکر نے دہشت گردی کے خلاف
ہندوستان کی زیرو ٹالرینس پالیسی کو دہراتے ہوئے زور دے کر کہا کہ اسے جموں و کشمیر کے تعلق سے نہیں دیکھا جانا چاہئیے جو کہ ہندوستان اور پاکستان کے درمیان دو طرفہ مسئلہ ہے اور اس میں کسی قسم کی ثالثی کی کوئی گنجائش نہیں ہے ۔ جئے شنکر ہالینڈ کے دور ہ پر ہیں اور انہوں نے ڈی وولککرانٹ میگزین کو انٹرویو دیتے ہوئے کہا کہ بین الاقوامی برادری کو متفقہ طور پر دہشت گردی کے خلاف ہندوستان کی کارروائی کی تعریف کرنی چاہئیے ۔
