نئی دہلی : وزیر اعظم نریندر مودی نے ہندوستان میں کم لاگت کے ڈرون بنانے کی ضرورت پر زور دیتے ہوئے کہا ہے کہ ڈرون ہندوستان کو ترقی کی نئی بلندیوں پر لے جا سکتے ہیں۔ مودی نے سائنسدانوں ، انجینئرز ، سافٹ وئیر ڈویلپرز اور اسٹارٹ یونٹوں سے ملک میں کم لاگت کے ڈرون بنانے کی اپیل کی ۔ وہ آج مدھیہ پردیش کے ہردا ، میں ویڈیو کانفرنس کے ذریعے وزیر اعظم ملکیتی اسکیم کے تحت اپنی جائیداد کا ای کارڈ حاصل کرنے والے مستفیدین سے خطاب کر رہے تھے ۔ مرکزی پنچایتی راج محکمہ اس اسکیم میں لوگوں کے گھر اور آبادی کی زمین کے سروے کے لئے ڈرون کا استعمال کیا جا رہا ہے ۔ مودی نے کہا کہ حکومت نے ملک میں ڈرون اور ڈرون پرزوں کی تیاری کی حوصلہ افزائی کے لیے پروڈکشن لنکڈ انسینٹیو اسکیم (پی ایل آئی) متعارف کرائی ہے ۔ انہوں نے کہا کہ ہندوستان میں ڈرون بنانے کے لیے ایک پی ایل آئی اسکیم کا اعلان کیا گیا ہے ۔ اس کا مقصد ہندوستان میں بڑی تعداد میں جدید ڈرون بنانا اور ملک کو اس میدان میں خود انحصار بنانا ہے ۔
