نیویارک۔ امریکہ میں ہندوستانی وزیراعظم نریندر مودی کی امریکی نائب صدر کملا ہیریس سے ملاقات کے بعد ہندوستانی میڈیا میں مودی پر شدید تنقید کی جارہی ہے۔ امریکی نائب صدر سے ملاقات کے بعد ہندوستانی وزیراعظم نریندر مودی نے اس حوالے سے 9 ٹوئٹ کیے جبکہ کملا ہیرس نے ایک بھی ٹوئٹ نہیں کیا۔ ہندوستان کے ایک مبصر نے کہا کہ کوئی مہمان بن کر جائے تو اسے دھکا تو نہیں دیا جاتا مگر کملا ہیرس اور امریکی انتظامیہ مودی سرکار کو پسند نہیں کرتے۔ ایک ٹی وی شو میں ہندوستانی مبصر نے کہا کہ کملا ہیرس مقبوضہ کشمیر سے متعلق ہندوستانی آئین کے آرٹیکل 370 کی منسوخی پر بھی تنقید کرچکی ہیں۔ ہندوستان میں شہریت کے نئے قانون کے بھی خلاف ہیں۔
