نارتھ ساؤنڈ (اینٹیگا) فاسٹ بولر پیٹ کمنز نے ریکارڈ بک میں اپنا نام درج کرلیا، وہ صرف دوسرے آسٹریلوی بن گئے جنہوں نے ٹی20 ورلڈ کپ کے سوپر 8 مقابلے میں بنگلہ دیش کے خلاف میچ میں ہیٹ ٹرک لی۔ انہوں نے یہ کارنامہ جمعہ کو (ہندوستانی وقت کے مطابق) سر ویوین رچرڈز اسٹیڈیم میں انجام دیا۔ آسٹریلیائی فاسٹ بولرکمنز نے دو الگ الگ اوورز میں تین وکٹیں لے کر ایک سنگ میل عبور کیا۔ انہوں نے اپنے تیسرے اوورکی آخری دو گیندوں پر دو وکٹیں حاصل کیں اور پھر اپنے آخری اوورکی پہلی گیند پر توحید ہردوئے کو آؤٹ کرکے یہ کارنامہ انجام دیا، جو شارٹ فائن لیگ پرکیچ ہو ئے ۔ کمنز اب بریٹ لی کے ساتھ آسٹریلیائی بولروں میں شامل ہو گئے ہیں جنہوں نے مردوں کے ٹی20 ورلڈ کپ میں ہیٹ ٹرک کی ہے۔ لی نے یہ کارنامہ 2007 کے ایڈیشن میں بنگلہ دیش کے خلاف انجام دیا تھا۔ مجموعی طور پرآسٹریلیا نے مردوں کے ٹی20 ورلڈ کپ میں ہیٹ ٹرک کرنے والے صرف سات کھلاڑیوں کے ایک نامورگروپ میں شمولیت اختیار کی، جس میں لی (2007)، کرٹس کیمفر (آئرلینڈ، 2021)، وینندو ہاسرنگا (سری لنکا، 2021)، کاگیسو ربادا (جنوبی افریقہ، 2021)، کارتک میاپن (یو اے ای، 2022) اور جوش لٹل (آئرلینڈ، 2022) دوسرے بولرس ہیں جو پہلے ایسا کرچکے ہیں۔31 سالہ کھلاڑی نے اپنا اسپیل 3-29 کے اعداد و شمارکے ساتھ ختم کیا جب آسٹریلیا نے بنگلہ دیش کو پہلے بیٹنگ کی دعوت دینے کے بعد اسے 140/8 تک محدودکیا۔ جواب میں اوپنرز ڈیوڈ وارنر(53 ناٹ آؤٹ) اور ٹریوس ہیڈ (31 رنز) نے نشانہ کے تعاقب میں شاندار دکھائی دے رہے تھے۔ تاہم بارش کی وجہ سے کھیل مناسب نتیجے پر نہیں پہنچ سکا۔ آسٹریلیا نے ڈک ورتھ لوئس اسٹرن میتھڈ کے ذریعے برابری کے اسکور سے 28 رنز آگے رہیے ہوئے پہلی سوپر ایٹ کامیابی حاصل کی۔ پہلے بیٹنگ کرتے ہوئے بنگلہ دیش کو ابتدائی دھکا لگا جب مچل اسٹارک نے تنزین حسن کو اننگز کی تیسری گیند پر بولڈکیا۔ ایسا کرتے ہوئے اسٹارک نے سری لنکا کے لاستھ ملنگا کو پیچھے چھوڑکر مردوں کے ٹی 20 اور ونڈے ورلڈکپ میں وکٹیں حاصل کرنے کا ریکارڈ بنا لیا ہے۔ ابتدائی دھکے کے علاوہ بنگلہ دیش نے ابتدائی اوورس پر غلبہ حاصل کیا۔ لٹن داس اورکپتان نجم الحسین شانتوکی 58 رنز کی شراکت نے اننگز کو پھر سے زندہ کیا اور بنگلہ دیش کو مسابقتی مقام پر پہنچا دیا۔ شراکت بالآخر اس وقت ختم ہوئی جب نویں اوور میں ایڈم زمپا نے داس کو کیچ آوٹ کیا ۔ ایشیائی ٹیم کے لیے مشکل چیزیں، رشاد حسین نے ڈرنکس سے پہلے آخری گیند پر اپنی وکٹ دے کر بنگلہ دیش کو 67/3 پر پہنچا دیا۔ زمپا نے اس کے بعد 13ویں اوورکے اختتام پر شانتو (36 گیندوں پر41 رنز) کو آؤٹ کرکے بنگلہ دیش کے مڈل آرڈر پر اہم دباؤ ڈالا ۔ توحید ہردوئے (28 گیندوں پر40 رنز) نے تیز رفتاری کی ایک دلیرانہ کوشش کی، جس سے ان کی ٹیم کو16ویں اوور تک تین کے ہندسوں تک پہنچنے میں مدد ملی۔ پیٹ کمنز نے آسٹریلیا کے18ویں اوورکو ختم کرنے کے لیے دو وکٹیں لی اور پھر20 اوورس میں کارنامہ انجام دیا ، انہوں نے ہریدوئے کو آوٹ کرتے ہوئے رواں ٹورنمنٹ کی پہلی ہیٹ ٹرک مکمل کی اور بنگلہ دیش 140/8 تک محدود رہا۔ 141 کے تعاقب میں وارنر اور ہیڈ نے جارحانہ انداز میں آغاز کیا، بنگلہ دیشی بولنگ لائن اپ پر بے رحم ذہنیت کے ساتھ حملہ کیا، تیزی سے رنز بنائے اور چھٹے اوور تک 50 رنز تک پہنچ گئے۔
