واشنگٹن، یکم جنوری (سیاست ڈاٹ کام) امریکی وزیر خارجہ مائیک پومپیو نے کہا کہ شمالی کوریا کے لیڈر کم جونگ ان نے نیوکلیئر تجربہ روکنے کا اپنا وعدہ توڑا تو یہ مایوس کن ہوگا۔مسٹر پومپیو نے منگل کو ایک انٹرویو میں کہا کہ ‘‘اگر شمالی کوریا کے سربراہ کم صدر ٹرمپ کے ساتھ کئے گئے وعدے کو توڑتے ہیں تو یہ بہت مایوس کن ہوگا۔ہم اپنے عہد پر کھرے اترے ہیں۔ ہم امید کرتے ہیں کہ وہ (کم )بھی ان کے ساتھ رہیں گے ’’۔اس سے قبل کم جونگ نے کہا کہ اگر امریکہ اپنی دشمن پالیسیوں کو جاری رکھتا ہے تو شمالی کوریا مستقبل قریب میں ایک نئے اسٹریٹجک ہتھیار کو ظاہر کرے گا۔
