ممبئی۔ بالی ووڈ سوپر اسٹار شاہ رخ خان جو آنے والی فلم پٹھان میں جاسوس کا کردار ادا کر رہے ہیں، ان کو دنیا بھر میں ان کے لاتعداد مداحوں نے بھلے ہی رومانس کا بادشاہ کہا ہو لیکن اداکار ذاتی طور پر ایکشن کی صنف سے محبت کرتے ہیںاور ہمیشہ ایکشن ہیرو بننا چاہتے تھے ۔ پروڈیوسرز، یش راج فلمز کی طرف سے جاری کردہ ایک ویڈیو میںشاہ رخ خان نے کہا میں 32 سال قبل فلم انڈسٹری میں ایکشن ہیرو بننے کے لیے آیا تھا لیکن میں اس سواری سے محروم رہا کیونکہ انہوں نے مجھے اس کے بجائے ایک رومانوی ہیرو بنا دیا۔ میرا مطلب ہے کہ میں ڈی ڈی ایل جے سے پیار کرتا ہوں اور میں راہول اور راج اور ان تمام اچھے پیارے لڑکوں سے پیار کرتا ہوں لیکن میں نے ہمیشہ سوچا کہ میں ایک ایکشن ہیرو ہوں، اس لیے میرے لیے یہ میرا خواب پورا ہونا ہے۔کنگ، جیسا کہ وہ جانے جاتے ہیں، چار سال کے طویل انتظار کے بعد سلور اسکرین پر واپس آرہے ہیںاور یقیناً اس کے پرستار اسے اسکرین پر ایکشن میں دیکھنے کے لیے بے تاب ہیں۔ پٹھان میں اپنے کردار کے بارے میں بات کرتے ہوئے کہا کہ پٹھان ایک ایسا آدمی ہے، بہت سی مشکل چیزیں کرتا ہے اور مجھے لگتا ہے کہ وہ شرارتی ہے، وہ سخت ہے ، وہ ایماندار ہے اور ہندوستان کو اپنی ماں سمجھتا ہے۔ اس فلم سے قبل شاہ رخ خان نے دیپیکا پڈوکون کے ساتھ اوم شانتی اوم، چینیائی ایکسپریس اور ہیپی نیو ایر بلاک بسٹر فلمیں کی ہیں۔پٹھان، جس میں جان ابراہم منفی کردار ادا کر رہے ہیں، 25 جنوری 2023 کو ہندی، تامل اور تلگو میں ریلیز ہونے والی ہے۔
