لندن ۔ویسٹ انڈیز کے ہیڈ کوچ فل سمنز نے وزنی ترین کرکٹر راحکیم کورنوال کی حمایت کرتے ہوئے کہا ہے کہ راحکیم کورنوال کے سائز اور فٹنس کا کوئی مسئلہ نہیں ہے۔ویسٹ انڈیز کے ہیڈ کوچ فل سمن نے اپنے ایک بیان میں آل راؤونڈر راحکیم کورنوال سے متعلق کہا ہے کہ سلپ میں سب نے راحکیم کے کیچز دیکھے ہیں، راحکیم کورنوال طویل وقت کے لیے اوورز کرنے کی بھی صلاحیت رکھتے ہیں۔فل سمنز نے کہا ہے کہ گھٹنے کی تکلیف کا کوئی مسئلہ نہیں وہ پہلے کی طرح اب بھی مضبوط ہیں۔دوسری جانب راحکیم کورنوا ل نے کہا ہے کہ وہ اپنی فٹنس پر بہت کام کرتے ہیں اس پر سمجھوتہ نہیں کرتے ہیں۔واضح رہے کہ انگلینڈ کے خلا ف شروع ہونے والے ٹسٹ کے لیے راحکیم کورنوال دستیاب ہیں۔
