امریکہ میں 2لاکھ افراد کی موت کا اندیشہ :وائٹ ہاؤز
واشنگٹن ۔یکم اپریل (سیاست ڈاٹ کام) امریکہ کے صدر ڈونالڈ ٹرمپ نے کہا کہ کورونا وائرس کا پھیلاؤملک میں عروج پر پہنچ چکا ہے اور ہم وطنوں کو‘بہت تکلیف دہ’آنے والے دو ہفتوں کیلئے تیار رہنا چاہیے ۔ ٹرمپ نے کل کہاکہ میں چاہتا ہوں کہ ہر امریکی آنے والے مشکل دنوں کے تیار رہے ۔ جیسا کہ ماہرین پیشن گوئی کر رہے ہیں کہ ہمارے آنے والے دو ہفتہ انتہائی مشکل ہوسکتے ہیں۔ انہوں نے کہا کہ ہمیں سرنگ کے آخر میں کچھ روشنی نظر آ رہی ہے ، لیکن آنے والے دو ہفتے انتہائی دردناک رہنے والے ہیں۔انہوں نے کہا کہ وفاقی حکومت کے پاس آئندہ دو ہفتہ میں کورونا وائرس کے کیسیس بڑھنے کے بعد بانٹنے کیلئے 10 ہزار وینٹی لیٹر دستیاب ہیں۔جان ہاپکنز یونیورسٹی کے مطابق امریکہ کورونا وائرس سے 3700 افراد کی موت ہو چکی ہے اور 185000 متاثر ہیں۔ امریکہ میں کورونا وائرس سے دو لاکھ افراد کی موت ہو سکتی ہے ۔وائٹ ہاؤز کی فیڈ بیک کوآرڈی نیٹر ڈے بورا بیرکس نے بتایا کہ ہمارے یہاں کورونا وائرس سے مرنے والوں کی اصل تعداد ایک لاکھ سے دولاکھ ہو سکتی ہے ۔ بیرکس نے ایک چارٹ پیش کرتے ہوئے کہا کہ ملک میں اس وبا سے ایک لاکھ سے دو لاکھ لوگوں کی موت ہو سکتی ہے ۔
