روم۔ 15اپریل (سیاست ڈاٹ کام)عالمی وبا کورونا وائرس سے بری طرح متاثر اٹلی میں اس کے انفیکشن سے ہلاکتوں کی تعداد 21 ہزار سے تجاوز کر کے 21067 ہو گئی ہے جبکہ اس سے متاثرہ افراد کی تعداد 1,62488 تک پہنچ گئی ہے ۔ پوری دنیا میں کورونا سے امریکہ کے بعد سب سے زیادہ ہلاکتیں اٹلی میں ہی ہوئی ہیں ۔ اٹلی کے شہری سکیورٹی محکمہ کے سربراہ ینجیلو بوریلی نے منگل کے روز ٹیلی ویژن پر ایک پریس کانفرنس میں بتایا کہ گزشتہ 24 گھنٹوں کے دوران ملک میں کورونا وائرس سے 602 افراد ہلاک ہوئے ہیں ۔ مسٹر بوریلي کے مطابق منگل کے روز اٹلی میں کورونا کے ایک ہزار سے زائد نئے کیسیس سامنے آئے ہیں جس سے اب تک متاثرہ مریضوں کی مجموعی تعداد بڑھ کر 1,62488 ہو گئی ہے ۔ ان متاثرین میں وہ لوگ بھی شامل ہیں جن کی اس وبا سے موت ہو چکی ہے یا جو مکمل صحت یا ب ہو چکے ہیں ۔
