غموں سے چھٹکارا اور آزادی کو ہی یوگا کہتے ہیں ۔عالمی یوم یوگاکے موقع پر وزیر اعظم کا خطاب
نئی دہلی : وزیر اعظم نریندر مودی نے آج کہا کہ کورونا وبا کے خلاف جنگ میں یوگا پوری دنیا کے لئے امید کی کرن ہے اور ‘یوگا سے تعاون تک’ کا منتر ایک نئے مستقبل کو راہ دکھائے گا اور انسانیت کو مضبوط بنائے گا ۔مودی نے پیر کے روز ساتویں عالمی یوگا ڈے کے موقع پر اپنے خطاب میں کہا کہ آج جب پوری دنیا کورونا سے لڑ رہی ہے تو یوگا امید کی ایک کرن بنا ہوا ہے ۔ بھلے ہی دو برسوں سے دنیا بھر کے ممالک اور ہندوستان میں کوئی بڑی عوامی تقاریب کا انعقاد نہیں ہوا ہو لیکن یوگا ڈے کے تیئں جوش و خروش ذرا بھی کم نہیں ہوا ہے ۔بھگوت گیتا کا حوالہ دیتے ہوئے مودی نے کہا کہگیتا میں کہا گیا ہے کہ غموں سے چھٹکارا اور آزادی کو ہی یوگا کہتے ہیں۔ ہمیں سب کو ساتھ لے کر چلنے والی انسانیت کے اس یوگا سفر کو ایسے ہی آگے بڑھانا ہے چاہے کوئی بھی جگہ ہو،کوئی بھی صورتحال ہو ، ہر عمر کے لئے ہر ایک کے لئے یوگا کے پاس کوئی نہ کوئی حل ضرور ہے ۔ انہوں نے کہاکہ آج کی دنیا میں یوگا کے تیئں پرتجسس لوگوں کی تعداد بہت بڑھ رہی ہے ۔ ملک اور بیرون ملک یوگا اداروں کی تعداد میں بھی اضافہ ہورہا ہے ۔ ایسی صورتحال میں ، یوگا کا بنیادی فلسفہ ، بنیادی اصول ہے ، اسے برقرار رکھتے ہوئے یوگا کو لوگوں تک پہنچنا چاہئے ‘ یہ کام ضروری ہے ۔ اور یہ کام یوگا سے وابستہ لوگوں کو یوگا کے آچاریوں ، یوگا مبلغین کو ساتھ مل کر کرنا چاہئے ۔ ہمیں خود بھی یوگا کا عہد کرنا ہے ، اور سبھی کو بھی اس عہد کے ساتھ جوڑنا ہے ۔ ‘یوگا سے تعاون تک’ کا یہ منتر ہمیں ایک نئے مستقبل کی راہ دکھائے گا ، انسانیت کو تقویت بخشے گا۔ دنیا کے بیشتر ممالک کے لئے یوگا ڈے ان کا قدیم ثقافتی تہوار نہیں ہے ۔ اس مشکل وقت میں اور پریشانی میں لوگ اسے آسانی سے بھول سکتے تھے لیکن اس کے برعکس لوگوں میں یوگا کا جوش اور لگاؤ مزید بڑھا ہے ۔ گزشتہ ڈیڑھ سالوں میں دنیا کے کونے کونے میں لاکھوں نئے یوگاپریکٹیشنر بنے ہیں۔ یوگا کا جو پہلا متبادل تحمل اور نظم و ضبط کو کہا گیا ہے ، ہر کوئی اسے اپنی زندگی کا جزو بنانے کی کوشش کر رہا ہے ۔ وزیر اعظم نے کہا کہ جب کورونا کے پوشیدہ وائرس نے دنیا میں دستک دی تھی ، تب کوئی بھی ملک وسائل سے ، اہلیت اور ذہنی طور پر اس کے لئے تیار نہیں تھا۔ سبھی نے دیکھا ہے کہ اس مشکل گھڑی میں یوگا خود اعتمادی کا ایک بہترین ذریعہ بنا۔یوگا نے لوگوں میں یہ یقینی بنایا کہ ہم اس بیماری سے لڑ سکتے ہیں۔