بریلی: دہلی کی طرف سے آرہی کورونا انفیکشن کی دوسری لیر کو اترپردیش کے بریلی میں روکنے کے لئے ضلع انتظامیہ اور محکمہ صحت کے علاوہ میئر نے کاونسلروں کے ساتھ مل کر خصوصی اپیل کی ہے ۔پارٹی سیاست سے اوپر اٹھ کر نگم کے سبھی 72کاونسلروں کو کورونا وارئیر کی ذمہ داری سونپی گئی ہے ۔ شہر کے سرحد پر موبائل وین تعینات کر دی گئی ہے ۔ پازیٹیو پائے جانے پر ہوم آئیسولیشن کرایا جائے گا۔بریلی کے میئر امیش گوتم نے آج کہا کہ دہلی میں انفیکشن پھر شروع ہوگیا ہے ۔ سینکڑوں کی تعداد میں لوگوں کا دہلی سے آمدورفت ہوتا ہے ۔ ایسے میں بریلی کے باشندے بھی انفیکشن سے محفوظ نہ ہرنے کا شبہ ہے ۔