واشنگٹن ؍ ریو ڈی جنیرو: عالمی وبا کورونا وائرس کے مسلسل بڑھتی ہوئی وباء کے درمیان ، اس وبا سے 17.30 لاکھ سے زیادہ افراد ہلاک اور 7.86 کروڑ سے زیادہ لوگ متاثر ہوچکے ہیں۔امریکہ کی جان ہاپکنز یونیورسٹی کے سینٹر فار سائنس اینڈ انجینئرنگ کے جاری کردہ اعداد و شمار کے مطابق ، اب تک دنیا کے 191 ممالک میں 7,86,74,527 افراد کورونا وائرس سے متاثر ہوچکے ہیں ، جبکہ 17لاکھ 30 ہزار 296 مریض دم توڑ چکے ہیں۔ کورونا سے سب سے زیادہ متاثرامریکہ میں متاثرہ افراد کی تعداد ایک کروڑ 84 لاکھ کو عبور کرچکی ہے۔
