ممبئی ۔ 10 مارچ (سیاست ڈاٹ کام) کورونا وائرس کی وجہ سے انڈین پریمیئر لیگ کی منسوخی کا خدشہ ظاہر کیا جانے لگا۔تفصیلات کے مطابق مہاراشٹرا کے وزیر صحت راجیش نے کہاکہ جب آئی پی ایل میچز کے دوران اتنی بڑی تعداد میں لوگ جمع ہوں گے تو وائرس پھیل سکتا ہے، اس لیے ایونٹ کی تاریخ آگے بڑھانا ممکن ہوگا۔بی سی سی آئی ذرائع کا کہنا ہے کہ اگر ہندوستان میں کرونا وائرس کے کیسز بہت زیادہ ہوتے ہیں تو اس سال لیگ کو منسوخ کیا جاسکتا ہے کیوں کہ انٹر نیشنل کیلنڈر کو دیکھتے ہوئے ہی آئی پی ایل کی تاریخیں رکھی جاتی ہیں اور ان تاریخوں کو آگے پیچھے کرنا ممکن نہیں ہوگا۔واضح رہیکہ چین سے پھیلنے والی وباء کورونا وائرس کی وجہ سے جنوبی افریقہ اور ہندوستان کے درمیان ہونے والی میچ پر بھی خدشات کے بادل چاہے ہوئے ہیں کیونکہ اس کے آغاز سے پہلے ہی مارک باوچر نے میڈیا کو بتایا کہ میچ کے بعد کوئی بھی کھلاڑی کسی سے مصافحہ نہیں کریں گے حتیٰ کہ شائقین کے ساتھ سیلفی لینے اور ملنے پر بھی پابندی ہوگی۔
