کورونا وائرس ایک شیطان ہے اسے صرف خدائی فورس کے ذریعہ ہی ختم کیا جاسکتاہے۔ منادر کھول دینے اکھیل بھارتیہ ترتھ مہاسبھا کے سربراہ کی وزیر اعظم مودی سے اپیل

,

   

نئی دہلی: اکھیل بھارتیہ ترتھ پوروہت مہاسبھا کے سربراہ مہیش پاتھک نے وزیر اعظم نریندر مودی کو ایک مکتوب روانہ کرتے ہوئے اپیل کی ہے کہ ملک بھر منادر، درگاہیں اور یاتری مراکز کھول دئے جائیں۔مہیش پاتھک نے مزید لکھا کہ کورونا وائرس ایک شیطان ہے اسے صرف خدائی فورس کے ذریعہ ہی ختم کیا جاسکتاہے۔ انہوں نے اگر تمام منادر، درگاہیں اور یاتری مراکز کھول دئے جائیں تو کورونا وائرس کچھ بھی نہیں بگاڑ سکتا۔ انہوں نے اپنے مکتوب میں کہا کہ منادر بند کرنے کے سبب پجاری طبقہ شدید مالی خسارہ دوچار ہورہے ہیں۔

انہوں نے وزیر اعظم سے پجاریوں کو خصوصی پیکج دینے کا مطالبہ کیا ہے۔ روانہ کردہ مکتوب میں انہوں نے کہا کہ موجودہ حالات کے پیش نظر مذہبی مقامات کو بعض تحدیدات کے لزوم کے ساتھ دوبارہ کھولا جاسکتا ہے۔

بعد ازاں انہوں نے اخباری نمائندوں سے بات کرتے ہوئے کہا کہ کورونا وائرس ایک شیطانی عمل ہے اس کو صرف خدائی فورس کے ذریعہ ہی ختم کیا جاسکتا ہے اورمجھے یقین ہے کہ منادر کھول دینے کے بعد خدائی طاقت پجاریوں کی کورونا وائرس سے حفاظت کرے گی۔ انہوں نے کہا کہ لاک ڈاؤن کی وجہ سے پجاری طبقہ نہایت خستہ حالی کا شکار ہوگئے ہیں اگر تحدیدات کی پابندی کے ساتھ منادر کوکھول دئے جاتے ہیں تو پجاریوں کو کچھ مالی مدد حاصل ہوجائے گی۔ مہیش پاتھک نے بتایا کہ اس مکتوب کی ایک کاپی مرکزی وزیر داخلہ امیت شاہ کو بھی روانہ کردی گئی ہے۔