ہانگ کانگ 29فبروری (سیاست ڈاٹ کام) چین کے شہر ووہان سے پھیلنے والا خوفناک کورونا وائرس انسانوں کے بعد جانوروں میں بھی منتقل ہونا شروع ہوگیا ہے۔ہانگ کانگ کی خاتون کے گھر پر پلنے والے کتے میں کورونا وائرس کی تصدیق ہوئی جسے اسپتال انتظامیہ نے تحویل میں لے کر محفوظ مقام پر منتقل کردیا۔خاتون نے بتایا کہ ایک روز اُن کے کتے کی طبیعت خراب ہوئی جس کے بعد وہ اُسے ڈاکٹر کے پاس لے کر گئیں، ڈاکٹر نے شک کی بنیاد پر کُتے کے چند ٹیسٹ کروائے جن کی رپورٹ سامنے آنے پر انکشاف ہوا کہ کُتا بھی کورونا وائرس سے متاثر ہوچکا ہے۔
کتے میں کورونا وائرس کی تصدیق ہونے کے بعد مقامی انتظامیہ نے اسے اپنی تحویل میں لے کر آئسولیشن وارڈ منتقل کردیا۔