جنیوا، 23 جنوری (سیاست ڈاٹ کام) چین کے ووہان میں تیزی سے پھیل رہے پر کورونا وائرس کے خطرے کے سلسلے میں عالمی ادارۂ صحت (ڈبلیو ایچ او) نے کہا ہیکہ اس وائرس کو عالمی صحت ایمرجنسی قرار دینا جلد بازی ہوگی ۔ بین الاقوامی صحت ایمرجنسی کمیٹی کی جمعرات کو میٹنگ کے بعد ڈبلیو ایچ او کے ڈائریکٹر جنرل ٹیڈروس ادھانوم نے صحافیوں سے بات چیت میں کہا ’’ کورونا وائرس کو لیکر عالمی صحت ایمرجنسی کا اعلان نہیں کر رہا ہوں کیونکہ بین الاقوامی صحت ایمرجنسی کمیٹی اس معاملے میں متفق نہیں ہیکہ کوروناوائرس کے انفیکشن کی وجہ سے عالمی صحت ایمرجنسی کی صورتحال پیدا ہوئی ہے۔کورونا وائرس اس کمیٹی کو نمائندگی کرتا ہے یا نہیں‘‘ ۔ انہوں نے کہا کہ بلا شبہ چین میں اس وقت ایمرجنسی جیسے حالات ہے لیکن یہ ابھی طے نہیں کیا گیا ہیکہ یہ عالمی بیماری ہے یا نہیں۔ واضح ر ہیکہ چین میں کورونا وائرس سے اب تک 17 افراد کی موت ہو گئی ہے اور 830لوگ اس وائرس کی زد میں آ گئے ہیں ۔ یہ وائرس کئی دوسرے ممالک میں پھیل گیا ہے جس کو مدِ نظر رکھتے ہوئے کئی ممالک سے چین جانے کیلئے اپنے اپنے ملک کے شہریوں کو الرٹ جاری کیا ہے ۔
