جملہ اموات تقریباً 20,000 ۔24 گھنٹوں میں 24,000 سے زیادہ نئے کیس۔تاحال 4.24 لاکھ متاثرین شفا یاب
نئی دہلی۔ملک میں کورونا وائرس (کووڈ۔19) کا قہر تھمنے کا نام نہیں لے رہا ہے اور اس عالمی وبا کے 6.97 لاکھ کیسز کے ساتھ اس وبا سے سب سے زیادہ متاثرہ ممالک کی فہرست میں امریکہ اور برازیل کے بعد تیسرے نمبر پر آ گیا ہے ۔ کورونا وائرس سے متاثرہ ممالک میں امریکہ 28.88 لاکھ کیسز کے ساتھ پہلے نمبر پر ہے جبکہ برازیل میں متاثرین کی تعداد 16.3 لاکھ ہے اور یہ دوسرے نمبر پر ہے ۔ اسی کڑی میں 6.97 لاکھ کیسز کے ساتھ ہندوستان روس کو پیچھے چھوڑ کر اب تیسرے نمبر پر آگیا ہے ۔ روس میں کورونا متاثرین کی تعداد 6.80 لاکھ ہے ۔ مرکزی وزارت صحت اور خاندانی بہبود کی جانب سے پیر کے روز جاری اعداد و شمار کے مطابق پورے ملک میں گذشتہ 24 گھنٹوں کے دوران کورونا کے 24,248 نئے کیسز سامنے آئے ہیں جس میں اب تک متاثرہ افراد کی مجموعی تعداد 6,97,413 ہو گئی ہے ۔اسی عرصے کے دوران کورونا وائرس سے 425 افراد کی موت ہونے سے ہلاکتوں کی تعداد بڑھ کر 19,693 ہوگئی ہے جبکہ اس مہلک وبا سے نجات پانے والوں کی تعداد میں بھی مسلسل اضافہ ہورہا ہے اور گذشتہ 24 گھنٹوں کے دوران 15,350مریض صحتیاب ہوئے ہیں جنہیں ملا کراب تک کل 4,24,433افراد شفایاب ہوچکے ہیں۔ ملک میں ابھی کورونا وائرس کے 2,53,287 فعال کیسز ہیں۔مہاراشٹر میں سب سے زیادہ متاثرہ کورونا کی وبا سے متاثرہ افراد کی تعداد دو لاکھ سے تجاوز کر گئی ہے ۔ گذشتہ 24 گھنٹوں کے دوران ریاست میں کووِڈ۔19 کے 6555 معاملے رپورٹ ہوئے ہیں جس سے متاثرین کی تعداد 2,06,619 جبکہ 151 اموات ہوچکی ہیں جس کی وجہ سے ہلاکتوں کی مجموعی تعداد 8822 ہوگئی ہے ۔ ریاست میں 1,11,740 افراد صحت یاب ہو چکے ہیں۔وائرس کے معاملے میں دوسرے مقام پر ٹاملناڈو ہے ۔ یہاں گذشتہ 24 گھنٹوں میں4150 کیسز رپورٹ ہوئے ہیں اور کورونا متاثرین کی تعداد 1,11,151 ہوگئی ہے جبکہ اسی دوران 60 افراد کی موت سے مرنے والوں کی تعداد 1510 ہوگئی ہے ۔ ریاست میں 62,778 افراد کو علاج کے بعد اسپتالوں سے چھٹی دے دی گئی ہے ۔قومی دارالحکومت نئی دہلی میں کورونا کی وبا نے تباہی مچا رکھا ہے اور یہاں کووِڈ۔19 متاثرہ افراد کی تعداد تقرہاً ایک لاکھ ہو چکی ہے ۔ یہاں اب تک 99,444 کورونا کی زد میں آ چکے ہیں جبکہ اس وبا کے نتیجے میں ہلاکتوں کی تعداد 3067 ہوگئی ہے ۔ دہلی میں71,339 مریض ٹھیک ہوئے ہیں جنھیں مختلف اسپتالوں سے چھٹی دیدی گئی ہے ۔ملک کی مغربی ریاست گجرات؛ کووڈ۔19 سے متاثرہ افراد کی تعداد کے لحاظ سے چوتھے نمبر پر ہے لیکن ہلاکتوں کی تعداد میں یہ مہاراشٹر اور دہلی کے بعد تیسرے نمبر پر ہے ۔ گجرات میں اب تک 36,037 افراد اس وائرس سے متاثر ہوچکے ہیں اور 1943 افراد ہلاک ہو چکے ہیں۔ ریاست میں 25,892 افراد اس مرض سے صحتیاب ہوئے ہیں۔آبادی کے لحاظ سے ملک کی سب سے بڑی ریاست اترپردیش میں اب تک کورونا وائرس کے 27,707 کیسز رپورٹ ہوئے ہیں اور اس وبا کے باعث 785 افراد ہلاک ہو چکے ہیں جبکہ 18,761 مریض صحتیاب ہوچکے ہیں۔ہریانہ میں 17,005 افراد کورونا وائرس سے متاثر ہوئے ہیں ۔