نئی دہلی22مارچ (سیاست ڈاٹ کام ) وزیر اعظم نریندر مودی نے کورونا وائرس ‘ کووڈ -19’ کے خلاف مہم کو آگے بڑھانے کے لئے دو لوک گلوکاروں کے ‘ تھیم سانگ ’ کی تعریف کی ہے ۔ مسٹر مودی نے کورونا وائرس کے خلاف ‘ جنتا کرفیو’ جیسی مہم کو آگے بڑھانے کے لئے لو ک گلوکارہ مالنی اوستھی اور لوک گلوکار پریتم بھرتوان کی طرف سے تھیم سانگ دیے جانے کی اتوار کو تعریف کی ۔ مسٹر مودی نے اپنے ٹوئٹر ہینڈل پر دونوں لوک گلوکاروں کی پہل کا ذکر کرتے ہوئے لکھا ہے ‘‘ جنتا کرفیو کے سلسلے میں ہر کوئی اپنی اپنی طرف سے تعاون دینے میں مصروف ہے ۔ لو ک گلوکارہ مالنی اوستھی اپنے انداز میں لوگوں کو تحریک دے رہی ہیں ۔انہوں نے مزید لکھا ہے ‘‘ جنتا کرفیو کے تعلق سے لوک گلوکار پریتم بھرتوا ن جی نے (بھی) ایک منفرد اور انتہائی سریلا پیغام دیا ہے ’’ ۔وزیر اعظم نے اس مہم میں میڈیا سے وابستہ افراد کی بھی تعریف کی ہے ۔ انہوں نے کہا ہے کہ میڈیا سے وابستہ افراد نہ صرف کورونا وائر س کے قہر کے تعلق سے ضروری معلومات لوگوں تک پہنچا رہے ہیں، بلکہ خود بھی احتیاطی تدابیر اختیار کر رہے ہیں۔
