اسلام آباد۔10 جون (سیاست ڈاٹ کام) پڑوسی ملک پاکستان میں کورونا وائرس کی وباء خطرناک صورتحال اختیار کر رہی ہے اور یومیہ ہزاروں کی تعداد میں کیسیس اور درجنوں اموات سامنے آرہی ہیں۔پاکستان میں ابھی تک کورونا وائرس کے مصدقہ کیسیس کی تعداد ایک لاکھ 13 ہزار 702 ہوچکی ہے جبکہ اموات 2 ہزار 255 تک جاپہنچی ہیں۔آج ابھی تک سامنے آنے والے کیسیس کی تعداد 2 ہزار 873 ہے جبکہ 39 اموات کا اضافہ بھی ہوا ہے ۔خیال رہے گزشتہ روز بھی پاکستان میں تقریباً 5 ہزار کیسیس اور ریکارڈ 104 اموات سامنے آئیں تھیں۔واضح رہے پاکستان میں کورونا وائرس کا پہلا کیس 26 فروری کو کراچی میں سامنے آیا تھا جس کے بعد یہ وبا آہستہ آہستہ پورے ملک میں پھیل گئی تاہم اس سے اس وقت سب سے زیادہ متاثر شہر کراچی ہی ہے ۔
