نئی دہلی۔ 25 اپریل (سیاست ڈاٹ کام) ملک بھر میں جاری خوفناک کورونا وباء کے درمیان مرکزی حکومت نے ایرکنڈشنرس کے استعمال کے بارے میں آج ضروری رہنمایانہ خطوط جاری کئے ہیں جن کے مطابق کمروں کا درجہ حرارت 24 ڈگری سیلسیس اور 30 ڈگری سیلسیس رکھا جانا چاہئے اور اوسط رطوبت 40% اور 70% کے درمیان ہونی چاہئے۔ اے سی کے ایر فلٹرس صاف ستھرے رکھنا چاہئے ۔ حکومت نے کہا کہ چین کے 100 شہروں میں ایک جائزہ کے مطابق موسم گرما کے آغاز اور درجہ حرارت اور رطوبت میں اضافہ کے بعد کورونا وائرس کے پھیلاؤ میں نمایاں کمی ہوئی ہے۔
