نئی دہلی:کورونا کے بڑھتے ہوئے معاملات کے درمیان مرکزی وزیر صحت منسکھ مانڈویہ نے ریاستوں سے کہا ہے کہ وہ کووڈ-19 کے انتظام کے لیے چوکنا اور تیار رہیں۔ انہوں نے جمعہ کو ریاستوں کے وزرائے صحت کے ساتھ ملک میں بڑھتے ہوئے کورونا وائرس انفیکشن کی صورتحال کے بارے میں میٹنگ کی۔ انہوں نے ریاستوں سے کہا کہ ہمیں چوکنا رہنا ہوگا اور غیر ضروری خوف نہ پھیلائیں۔مرکزی وزیر صحت منسکھ منڈاویہ نے ٹویٹ کرکے میٹنگ کی معلومات شیئر کیں۔ انہوں نے کہا، “ملک میں کووڈ-19 کی صورتحال کے بارے میں ریاستوں اور مرکز کے زیر انتظام علاقوں کے وزرائے صحت کے ساتھ جائزہ میٹنگ کی۔ اس دوران، کوویڈ ٹیسٹنگ اور جینوم سیکوینسنگ کے ساتھ کووڈ قوانین کی پابندی کے پھیلاؤ کو بڑھانے پر بات ہوئی۔” انہوں نے کہا، “ہمیں چوکنا رہنا ہوگا اور غیر ضروری خوف پھیلانا نہیں ہے”۔
