اٹلی ۔5اپریل ( سیاست ڈاٹ کام) میڈیا رپورٹس کے مطابق کورونا وائرس وبا کے بعد کی صورتحال پر جون میں شیڈول تمام انٹرنیشنل میچز کے ساتھ اگست اور ستمبر میں ہونے والے فیفا ویمن انڈر 20 اور نومبر میں ہونے والے فیفا انڈر 17 ویمن ورلڈ کپ ملتوی ہونے کا امکان ہے۔ اس حوالے سے فیفا کے اعلی سطحی ورکنگ گروپ کے اجلاس میں سفارشات تیار کرلی گئی ہیں۔ورکنگ گروپ نے فیفا ایونٹس سمیت متعدد معاملات پر تبادلہ خیال کرکے اپنی تجاویز بیورو کو بھجوا دی۔ اجلاس کے شرکا نے اگلے سال اعلان کردہ ٹوکیو اولمپکس کے لیے فٹبال ٹیموں کے انتخاب کے لیے پہلے سے وضع کردہ قوانین پر عمل درآمد کی اپیل کی ہے۔ جس کے تحت یکم جنوری 1997 میں پیدا ہونے والے کھلاڑی کھیلوں کے اس عالمی میلے میں اپنے ملک کی نمائندگی کرسکیں گے۔ فٹبال کی عالمی باڈی ان سفارشات پر جلد ایکشن کا باقاعدہ اعلان کرے گی۔ دنیا بھر میں کورونا وائرس کی وباء نے تقریباً تمام کھیلوں اور عالمی ، قومی و مقامی سطح پر ہونے والے مقابلوں کو بھی بری طرح متاثر کیا ہے۔ پاکستان پریمیئر لیگ درمیان میں ہی ملتوی کرنا پڑا کیونکہ بیرونی کھلاڑیوں نے اپنے وطن واپسی کو ہی بہتر سمجھا۔ اسی طرح آئی پی ایل بھی ملتوی کیا گیا۔
کورونا کیخلاف لڑائی
یوراج سنگھ کا 50 لاکھ کا عطیہ
