نیویارک۔ کورونا وائرس کی وجہ سے سو دنوں کی پابندی کے بعد فرانس اور اسپین کے مابین اتوار سے ٹرانزٹ ٹریفک کا دوبارہ آغاز ہوگیا ہے۔ دوسری طرف عالمی ادارہ صحت نے خبردار کیا ہیکہ دنیا بھر میں کوڈ 19 کے ساتھ انفیکشن کی روزانہ شرح میں غیرمعمولی ریکارڈ دیکھا جا رہا ہے۔گذشتہ 24 گھنٹوں کے دوران کورونا کے 183020 نئے کیسز کا اندراج کیا گیا۔عالمی ادارہ صحت کی یومیہ رپورٹ کے مطابق کورونا نے نئے کیسز میں سب سے زیادہ اضافہ شمالی اور جنوبی امریکہ میں ہوا جہاں 116,000سے زیادہ نئے کیسز کا اندراج کیا گیا۔عالمی ادارے کا کہنا ہیکہ مجموعی طور پر عالمی سطح پر کورونا کے متاثرہ افراد کی تعداد 87 لاکھ سے تجاوز کرگئی ہے۔ جب کہ 461،000 سے زیادہ اموات ہوئی ہیں۔ ایک ہی دن میں پچھلا ریکارڈ اضافہ18 جون کو دیکھا گیا جب کورونا کے ایک دن میں 181232 کیسز سامنے آئے تھے۔اتوار کے روز فرانسیسی خبر رساں ادارے نے اے ایف پی کی جاری کردہ رپورٹ کے مطابق دسمبر میں چین سے پھیلنے والے کورونا وائرس کے نتیجے میں اب تک کم از کم 465،300 افراد لقمہ اجل بن چکے ہیں۔اس وباء کے آغاز کے بعد سے 196 ممالک اور خطوں میں 88لاکھ ، 90،310 ہلاکتیں ریکارڈ کی گئیں۔ رپورٹ کے مطابق دنیا بھر میں گذشتہ چوبیس گھنٹوں کے دوران کورونا کے مریضوں کی 3636اموات ہوئیں جبکہ ایک لاکھ 47 ہزار 821 نئے کیسز سامنے آئے۔ برازیل 1022 ، میکسیکو 387 اور امریکہ میں 386 افراد ہلاک ہوگئے۔
