جے پور : چیف منسٹر راجستھان اشوک گہلوٹ نے ریاست میں کورونا کے بڑھتے معاملات کے تناظر میں جان بچانے وبا کے ریڈ الرٹ کرفیو کو سخت کرنے اور میڈیکل آکسیجن کی تقسیم میں اضافہ کیلئے مرکز سے مستقل تال میل برقرار رکھنے کی ہدایت دی ہے ۔چیفمنسٹر نے کل رات ویڈیو کانفرنس کے ذریعہ آکسیجن کی فراہمی ، دوائیوں کی دستیابی ، انفیکشن اور پیر سے ریڈ الرٹ عوامی نظم و ضبط وغیرہ کا جائزہ لے رہے تھے ۔ اس کے ساتھ ہی ، انہوں نے مرکزی حکومت کے ذریعہ درآمد آکسیجن ٹرانسپورٹ ٹینکروں میں سے راجستھان کو ضرورت کے مطابق ٹینکروں کی فراہمی کی بھی ہدایت کی۔ انہوں نے کہا کہ کووڈ پروٹوکول کی سختی سے پابندی زندگی بچانے ضروری ہے ۔ انہوں نے ہدایت دی کہ پیر سے ریڈ الرٹ پر عوامی نظم و ضبط کے رہنما اصولوں پر سختی سے عمل کیا جائے ، اس میں کوئی کوتاہی نہ برتی جا ئے ۔انہوں نے کہا کہ جام نگر پلانٹ میں آکسیجن کی پیداواری صلاحیت میں 350 میٹرک ٹن بڑھایا گیا ہے ۔ اس طرح سے راجستھان کو وہاں سے اضافی آکسیجن کی الاٹمنٹ ملے ۔ اجلاس میں بتایا گیا کہ مرکزی حکومت کی جانب سے مختلف کمپنیوں کے ذریعہ 50 کے قریب ٹینکر درآمد کیے جارہے ہیں۔مسٹر گہلوت نے کہا کہ ریاستی حکومت کو آکسیجن لانے کے لئے خاطر خواہ تعداد میں ٹینکر فراہم نہیں کرائے گئے ہیں ، اس کی وجہ سے دور دراز مقامات سے آکسیجن کی آمدورفت کے سلسلے میں کافی پریشانی کا سامنا کرنا پڑ رہا ہے ۔ درآمد شدہ ایسے ٹینکروں سے ، راجستھان کو بھی ضرورت کے مطابق ٹینکر مختص کرنے کی بھرپور کوشش کریں ۔
