نئی دہلی ،26اپریل (سیاست ڈاٹ کام) سابق وزیراعظم منموہن سنگھ اور کانگریس کے سابق صدر راہل گاندھی نے کہاکہ کورونا کو شکست دینے کے لیے اسکی ٹسٹنگ پر خصوصی توجہ دینے کی ضرورت ہے اور اسے بڑھاکر یومیہ کم از کم ایک لاکھ کیاجانا چاہئے ۔مسٹر گاندھی نے ٹویٹ کیاکہ سارے اسپیشلسٹ اس بات پر متفق ہیں کہ کورونا کو ہرانے کے لیے اسکی ٹسٹنگ ہی واحد حل ہے ۔انھوں نے کہا،‘‘ کورونا کو ہرانا ہے تو اسکی ٹسٹنگ کو موجودہ 40000سے بڑھاکر یومیہ کم سے کم ایک لاکھ کیاجانا ضروری ہے ۔اس کے لیے ہمارے پاس صلاحیت ہے اور وزیراعظم کو اس سمت میں تیزی سے کام کرنے کی ضرورت ہے ۔’’اس قبل ڈاکٹر سنگھ نے ایک ویڈیو پیغام میں کہاکہ کورونا کو ہرانے میں ٹسٹنگ ہی فائدے مند ہے اس لیے اسے بڑھانا ضروری ہے اور ملک میں کورونا ٹسٹنگ کی خاطر خواہ سہولت دستیاب کی جانی چاہئے ۔
