زرعی شعبہ نے معیشت کو سنبھالا۔ میڈ اِن انڈیا تحریک کو بھی کامیاب بنانے وزیراعظم کی اپیل
نئی دہلی : وزیر اعظم نریندر مودی نے آج کہا کہ اگرچہ ملک میں ایک ارب ٹیکے لگائے گئے ہوں لیکن کورونا کے خلاف جنگ ابھی ختم نہیں ہوئی ہے ، اس لیے سبھی کو بہت محتاط رہنا ہوگا اور ہتھیار نہیں ڈالنے ہیں۔ ملک میں ایک ارب ٹیکہ اندازی کی حصولیابی پر جمعہ کو قوم سے اپنے خطاب میں مودی نے کہا کہ تہواروں کا موسم قریب آرہا ہے اور اس دوران ہم سب کو بہت محتاط رہنا ہوگا کیونکہ ابھی تک کورونا وباسے مکمل طور پر نجات نہیں ملی ہے ۔ انہوں نے کہا کہ کورونا کے خلاف جنگ ابھی ختم نہیں ہوئی ہے ، اس لیے کسی کو بھی ہتھیار نہیں ڈالنا ہے۔ انہوں نے کہا کہ جس طرح ہم گھر سے باہر جاتے ہوئے جوتے پہننا نہیں بھولتے ، اسی طرح ہمیں ماسک کو نہیں بھولنا چاہیے اور اسے اپنی زندگی میں آرامیدہ معمول لانا چاہیے ۔وزیر اعظم نے کہا کہ جنھیں ابھی تک ویکسین نہیں دی گئی ہے ، انھیں ویکسین اولیں ترجیحی بنیاد پر لینا ہے ۔ انہوں نے کہا کہ اگر ہم کورونا کے خلاف اپنے آلات تحفظ (کوچ یعنی ماسک وغیرہ) پہنتے رہیں گے تو ہم ضرور جیتیں گے ۔قابل ذکر ہے کہ جمعرات کو ملک نے کووڈ وبا کے خلاف مہم میں ایک ارب ویکسینیشن کا غیر معمولی سنگ میل عبور کرتے ہوئے تاریخی کامیابی حاصل کی ہے۔ وزیراعظم مودی نے زرعی شعبے میں ہونے والی ترقی کی آج ستائش کرتے ہوئے کہا کہ کورونا کے دوران زرعی شعبے نے معیشت کو بہتر کیا۔ مودی نے قوم سے خطاب کرتے ہوئے کہا کہ اس دوران ریکارڈ مقدار میں فصلوں کی خرید ہوئی اورکسانوں کے بینک کھاتے میں براہ راست پیسے بھیجے جا رہے ہیں۔ انہوں نے اس دوران کورونا وبا کی بابت عوام سے احتیاط برتنے کی اپیل کی اور کہا کہ تیوہاروں کے موقع پر انھیں مزید محتاط رہنا چاہیے ۔ وزیر اعظم مودی نے 100 کروڑ کووڈ ویکسین کے حوالے سے ہندوستانی دیسی ویکسین پروگرام کی کامیابی کے ساتھ معاشی ترقی کی اشارات کا ذکر کرتے ہوئے آج ملک کے باشندوں سے میڈ ان انڈیا کو بھی عوامی تحریک بنانے کی اپیل کی۔ میڈ ان انڈیا کو ایک عوامی تحریک بنائیں اور دیسی ساختہ اشیاء خریدنے کو اپنے معمول میں لائیں۔ انہوں نے کہا کہ ماہرین اور اندرون اور بیرون ملک سے کئی ایجنسیاں ہندوستان کی معیشت کے بارے میں بہت مثبت ہیں۔ آج ہندوستانی کمپنیوں میں نہ صرف ریکارڈ سرمایہ کاری ہو رہی ہے بلکہ نوجوانوں کے لیے روزگار کے نئے مواقع بھی پیدا ہو رہے ہیں۔ اسٹارٹ اپس میں ریکارڈ سرمایہ کاری کے ساتھ ، ریکارڈ اسٹارٹ اپس، یونیکارن بن رہے ہیں۔