شنگھائی ۔ چین کے بڑے شہر شنگھائی میں کورونا کے بڑھتے ہوئے کیسوں کے باعث لاک ڈاؤن مزید سخت کردیا گیا۔ خبررساں اداروں کے مطابق چین کے شہرشنگھائی میں کورونا کے مریضوں کی تعداد میں اضافہ کے بعد لاک ڈاؤن کی پابندیاں مزید سخت کردی گئی ہیں۔حکام کا کہنا ہے کہ کورونا مریضوں اوران سے رابطے میں آنے والوں کو سرکاری قرنطینہ مراکز میں منتقل کیا جائے گا۔ کورونا سے سب سے زیادہ متاثرعلاقوں میں جراثیم کش اسپرے کی مہم کوتیز کیا جائے گا۔شنگھائی میں 5ہفتوں سے لاک ڈاؤن نافذ ہے۔ شہر کے مختلف علاقوں میں عمارتیں خالی کروا کرجراثیم کش دواؤں کا اسپرے بھی کیا گیا تھا۔حکام نے شہریوں کولاک ڈاؤن کی پابندی کرنے اوراحتیاط تدابیراختیار کرنے کی ہدایت کی ہے۔
