نئی دہلی، 8 اپریل (سیاست ڈاٹ کام) سپریم کورٹ نے بدھ کو کہا کہ نجی لیبارٹریوں میں کورونا وائرس کووڈ -19′ انفیکشن کی جانچ کے لئے اونچی فیس کی وصولی نہیں دی جا سکتی اور وہ اس معاملے میں اپنا حکم سنائے گا۔درخواست گزار ششانک دیو سدھی نے نجی لیبارٹریوں میں کورونا وائرس انفیکشن کی جانچ مفت کرائے جانے کی عدالت سے درخواست کی ہے ۔جسٹس اشوک بھوشن اور جسٹس ایس رویندر بھٹ کی بینچ نے ویڈیو کانفرنسنگ کے ذریعے ہوئی سماعت کے دوران کہا کہ وہ اس معاملے میں اپنا حکم سنائے گی، کیونکہجانچ کے نام پر اتنی اونچی فیس نہیں وصولی جاسکتی۔بینچ نے مرکزی حکومت سے کہا ہے کہ وہ ایسا کوئی ایسا طریقہ کار تیار کرے ، جس کے تحت نجی لیبارٹری کی جانچ فیس حکومت واپس کر دے ۔
گجرات میں کورونا کے چار نئے معاملے ، دو کی موت
گاندھی نگر 08 اپریل (سیاست ڈاٹ کام) گجرات میں کورونا وائرس (کوویڈ 19) کے چار نئے معاملات سامنے آنے کے بعد متاثرین کی تعداد 179 ہوگئی ہے اور اس کی وجہ سے مرنے والوں میں 14 ماہ کے بچے سمیت دو افراد کی موت کی وجہ سے ریاست میں مرنے والوں کی تعداد بڑھ کر 16 ہوگئی ہے ۔بدھ کے روز محکمہ صحت کی پرنسپل سکریٹری جینتی روی نے بتایا کہ متاثرین میں بھاون نگر میں دو نئے کیس سامنے آئے ہیں ، سورت کے وڈوڈرا میں ایک ایک کیس۔ ان میں بھاو نگر میں 43 اور 38 سال کے دو مرد ، سورت میں ایک 70 سالہ خاتون اور وڈوڈرا میں ایک 22 سالہ شخص شامل ہیں۔ سب مقامی لوگ ہیں۔ چار نئے معاملے سامنے آنے کے ساتھ ہی ریاست میں متاثرہ مریضوں کی تعداد بڑھ کر 179 ہوگئی ہے ۔