لندن ۔ 12 جون (سیاست ڈاٹ کام) نئے کورونا وائرس کی عالمی وبا کے باعث دنیا بھر میں غربت کی خطِ غربت موجود افراد کی تعداد ایک بلین سے تجاوز کر سکتی ہے۔ کنگز کالج لندن اور آسٹریلین نیشنل یونیورسٹی کے ایک تازہ مطالعے کے مطابق یہ وبا دنیا کے غریب ترین طبقے کی آمدنی میں یومیہ بنیادوں پر پانچ سو ملین ڈالر کی کٹوتی کا سبب بن رہی ہے۔ مطالعہ میں یہ انکشاف بھی کیا گیا ہے کہ وبا کے اقتصادی نقصانات سے سب سے زیادہ جنوبی ایشیائی ممالک متاثر ہوں گے جن میں بنگلہ دیش، ہندوستان، انڈونیشیا اور پاکستان شامل ہیں۔ روزانہ کی بنیادوں پر 1.90 ڈالر یا اس سے کم کمانے والوں کو خطِ غربت سے نیچے قرار دیا جاتا ہے، جن کی موجودہ تعداد سات سو ملین ہے اور پیشن گوئی کی گئی ہے کہ وبا کے باعث یہ تعداد بڑھ کر 1.1 بلین تک پہنچ سکتی ہے۔
