پیرس۔ 15اپریل (سیاست ڈاٹ کام)ایک تازہ ترین نئی تحقیق میں فرانسیسی سائنسدانوں نے دعوی کیا ہے کہ کورونا وائرس کو مکمل طورپر ختم کرنے کے لئے پانی کو تقریبا ً نقطہ ابال جتنا درجہ حرارت درکار ہوتا ہے ۔فرانسیسی ماہرین کے مطابق کورونا وائرس کو اگر 60 ڈگری سینٹی گریڈ پر ایک گھنٹے تک تپش دیں تو وائرس میں پھر بھی ایک سے دو اور دو سے چار میں تقسیم ہوکر بڑھنے کی صلاحیت برقرار رہتی ہے ، تاہم جب وائرس کو 92 ڈگری سینٹی گریڈ پر 15 منٹ تک تپش دی گئی تو وہ بالکل غیرفعال ہوگیا۔امریکہ کی نیشنل اکادمی آف سائنسز نے وائٹ ہاؤز کو گذشتہ ہفتے آگاہ کیا تھا کہ موسم گرما کے درجہ حرارت سے کورونا وائرس کے پھیلاؤپر اثرنہیں پڑے گا۔
