مدینہ ۔ مسجد نبوی ﷺ انتظامیہ نے کورونا وائرس کے باعث مسجد ﷺ کو بند کرنے کے تاریخی واقعہ پر ایک دستاویزی فلم لک الحمد تیارکی ہے جس کا ٹائٹل جاری کیا گیا ہے۔ ویب سائٹ کے مطابق دستاویزی فلم میں کورونا کے باعث مسجد نبوی شریفﷺ میں نمازیں معطل کرنے کے آغاز سے لے کر حفاظتی تدابیر کے ساتھ بحالی تک کے واقعات دکھائے گیے ہیں۔گزشتہ رمضان المبارک مسجد نبوی ﷺ کی تاریخ کا پہلا رمضان ہے جس میں نہ فرض نمازیں اداکی گئیں نہ تراویح پڑھی گئی نہ افطار کے دستر خوان بچھائے گیے۔ اس اہم واقعہ کو فلم کا اہم حصہ بنایا گیا ہے۔ دستاویزی فلم سوشل میڈیا ذرائع پر جاری کی گئی ہے جس کا دورانیہ 2 منٹ 22 سیکنڈ ہے، فلم کے آخر میں لکھا ہوا ہے کہ دستاویزی فلم جلد جاری ہوگی۔
