نئی دہلی: کانگریس کے سابق صدر راہل گاندھی نے بلیک فنگس کی وبا پر حکومت کو شدید تنقید کا نشانہ بناتے ہوئے کہا ہے کہ کورونا کے ساتھ نئی وبا صرف مودی حکومت کی بدانتظامی کی وجہ سے ہندوستان میں پھیل رہی ہے۔ راہول گاندھی نے وبا کے پھیلاؤ کو روکنے کے لئے گذشتہ سال لاک ڈاؤن شروع کرنے سے پہلے وزیر اعظم نریندر مودی کے تالی اور تھالی بجانے کی اپیل پر طنز کرتے ہوئے کہا کہ مودی کبھی بھی اس بار بلیک فنگس کی وبا سے نمٹنے کے لئے دوبارہ تالیاں بجانے کا اعلان کرسکتے ہیں۔انہوں نے ٹوئیٹ کیا “مودی سسٹم کی بدانتظامی کی وجہ سے ،صرف ہندوستان میں کورونا کے ساتھ ساتھ بلیک فنگس کی وبا ہے ۔
