لکھنؤ: اترپردیش کے وزیراعلیٰ یوگی آدتیہ ناتھ کے کورونا کے سبب بے وقت موت کا شکار ہونے والے صحافیوں کے پسماندگان کو دس دس لاکھ روپئے کا مالی تعاون مہیا کروانے کی ہدایات دیئے۔ سرکاری ذرائع نے بتایا کہ کورونا مینجمنٹ کے سلسلے میں ٹیم-9 کی میٹنگ میں مسٹر یوگی نے یہ ہدایات جاری کیے ۔ غور طلب ہے کہ کورونا کی دوسری لہر میں لکھنؤ سمیت اترپردیش کے دیگر اضلاع میں بڑی تعداد میں صحافی کورونا وائرس کے سبب ہلاک ہوئے تھے ۔ صحافیوں کی اسوسی ایشن نے وزیراعلیٰ سے ہلاک ہونے والے صحافیوں کے خاندانوں کو مالی تعاون دینے کی گذارش کی تھی۔ یوم صحافت کے موقع پر مسٹر یوگی کے اس فیصلے کی تعریف کرتے ہوئے منظور شدہ جرنلسٹ اسوسی ایشن کے صدر ہیمنت تیواری، جنرل سکریٹری شیوشرن سنگھ اور جوائنٹ سکریٹری وجے ترپاٹھی نے کہا کہ کورونا وائرس کے شکار صحافیوں کی فہرست انہوں نے انتظامیہ کو سونپ دی تھی جبکہ کچھ کے بارے میں دستاویز کو جلد سونپ دیا جائے گا۔
