سری نگر ۔جموں و کشمیر کے لیفٹیننٹ گورنر گریش چندرا مرمو نے لوگوں سے کورونا وائرس سے متعلق گائیڈ لائنز پر سختی سے عمل کرنے کی اپیل کرتے ہوئے کہا ہے کہ ‘جان ہے تو جہان ہے ‘۔انہوں نے کہا کہ لاک ڈائون میں نرمی دینے کے ساتھ ہی جموں و کشمیر بالخصوص وادی میں کورونا کے کیسز میں بڑی اچھال دیکھنے کو ملی ہے جس کو دیکھتے ہوئے آنے والے تہواروں کے دوران بھی حد درجہ احتیاط کرنے کی ضرورت ہے ۔لیفٹیننٹ گورنر نے اتوار کے روز اپنے ایک ویڈیو پیغام میں کہا: ‘ہم نے لاک ڈاون کے دوران کورونا وبا کو قابو میں رکھنے میں بڑی حد تک کامیابی حاصل کی تھی لیکن اس میں نرمی دینے کے ساتھ ہی کیسز میں اضافہ دیکھنے کو ملا ہے ۔
