کورٹلہ ۔20 نومبر ۔ ( سیاست ڈسٹرکٹ نیوز ) محمد فصیح الدین شکیل کوآرڈینیٹر کورٹلہ سنٹرز نے کہاکہ کورٹلہ CEDM سنٹر اورینٹل عربیک فیض العلوم کورٹلہ پر اساتذہ کے اہلیتی امتحان ٹسٹ (TG-TET-2024-II) کی مفت کوچنگ کا نظم حکومت تلنگانہ کی جانب سے ڈی ایڈ اور بی ایڈ اُردو میڈیم ٹسٹ امیدواروں کے لئے ٹیٹ پرچہ اول اور پرچم دوم کے تمام مضامین کے لئے کیا گیا ہے ۔ کوچنگ کا آغاز 25 نومبر بروز پیر سے ہوگا اور 24 ڈسمبر تک کوچنگ کلاسس منعقد کئے جائیں گے ۔کوچنگ کے اوقات 4 بجے شام تا 8 بجے شام تک ہوں گے ۔ محمد فصیح الدین نے کہاکہ اس کوچنگ کیلئے قابل تجربہ کار اور ماہر مضمون اساتذہ کی خدمات حاصل کی جارہی ہیں ۔ ایسے امیدوار جو ٹسٹ کے لئے درخواست داخل کرچکے ہیں اس ٹیٹ کوچنگ سے مستفید ہونے کیلئے رجسٹریشن فارم کے ہمراہ ٹیٹ آن لائین درخواست کی زیراکس اور دو عدد پاسپورٹ سائیز فوٹو جمع کروائیں ۔ رجسٹریشن کروانے کی آخری تاریخ 23 نومبر ہے ۔ مزید تفصیلات کیلئے فون نمبرات 9440076496، 7989297553 پر ربط پیدا کریں۔
